తిరుపతిలో కలకలం
తిరుపతి జూ రోడ్లో దారుణ ఘటన (పూర్తి కథనం) తిరుపతి జూ రోడ్లో ఈ నెల 29వ తేదీ రాత్రి 11 గంటల సమయంలో బస్సులో ప్రయాణిస్తున్న మహిళలకు ఒక దారుణమైన ఘటన ఎదురైంది. ముగ్గురు యువకులు కనీసం హెల్మెట్ కూడా లేకుండా బైక్పై వెళ్తూ, బస్సులో ఉన్న మహిళలపై అసభ్యకరమైన చేతి సంకేతాలు చేశారు. ఈ ఘటనను గమనించిన ఒక వ్లాగర్ ఆ దృశ్యాలను చిత్రీకరించి ఇన్స్టాగ్రామ్లో పోస్ట్ చేశారు. వీడియో తీస్తున్నా కూడా వారు ఏమాత్రం భయం లేకుండా, బరితెగించి విచ్చలవిడితనాన్ని ప్రదర్శించారు. ఈ ఘటనలో వారి బైక్ నంబర్ ప్లేట్ కూడా స్పష్టంగా కనిపించింది. వీడియో తీసిన వ్లాగర్ నంబర్ ప్లేట్ను హైలైట్ చేయడం అభినందనీయమైన విషయం. ఈ వీడియో ఇన్స్టాగ్రామ్లో వైరల్ కావడంతో, నెటిజన్లు కామెంట్లలో వారిని తీవ్రంగా విమర్శిస్తూ పోస్టులు చేస్తున్నారు. మహిళల భద్రతపై ఆందోళన వ్యక్తం చేస్తూ, ఇలాంటి ఘటనలపై కఠిన చర్యలు తీసుకోవాలని ప్రభుత్వాన్ని కోరుతున్నారు. ఈ ఘటనపై స్పందించిన పోలీసులు, వీడియో ఆధారంగా నిందితులను గుర్తించే పనిలో నిమగ్నమయ్యామని తెలిపారు. సీసీటీవీ ఫుటేజ్, వాహన రిజిస్ట్రేషన్ వివరాల ఆధారంగా త్వరలోనే వారిని పట్టుకుంటామని హామీ ఇచ్చారు. ప్ర...